Се бо нетленныя и многоцелебныя мощи Твоя дарова нам Господь во уверение, яко велие дерзновение имаши к Нему и яко много может предстательство Твое пред Престолом благости Его. Темже не остави нас сирых и беспомощных, но присно поминай нас во святых небесных Твоих молитвах. Укрепи наша стопы твердо и непоколебимо ходите путем Заповедей Господних: утверди руце наша к воздеянию молитвенному и к совершению добрых дел, согрей сердца наша любовию ко Господу и к жизни вечной. Испроси у Царя Небеснаго благочестивей стране нашей, граду Твери и всем людем долгоденствие и мирное житие, здравие и спасение и сохранение от всякаго зла. Испроси, Святитель Божий, и всем с верою прибегающим к раце святых мощей твоих и имя Твое благоговейное призывающим, коемуждо дар благопотребен: недугующим исцеление, печальным утешение, заблудшим истины познания, и всем вся в жизни временной и вечной потребная во славу дивнаго во святых своих Бога, в Троице славимаго и покланяемаго, Отца и Сына и Святаго Духа. Аминь. Призри от нор них высот, святителю отче Арсение, на нас смиренных и грешных, во умилении душ и сердец к Тебе прибегающих, верою крепкою на тя уповающих, любовию нелицемерною просящих у Тебе заступления. Тебе бо молитвенника благоприятнаго вемы ко Всемилостивому Богу. Пролей о нас Твоя святыя молитвы и умоли человеколюбца Господа не погубити нас со беззаконии нашими, но обратити нас к покаянию и исправлению, да прочее время жития нашего Земнаго не в работе греху и страстей, но в делании заповедей Его святых и в благочестии провождаем и с благою надеждою достигнем кончины нашея. В час же смертный наипаче явися нам, Отче заступник благий, ускори тогда на молитву о нас беспомощных и помози нас со причастием Таинств Божественных мирную и благую кончину улучити, грозныя мытарства воздушныя безбедно прейти и унаследовати горнее царство. Ей, святителю Божий, не презри нас и не посрами упования нашего, но буди о нас бодренными твоими молитвами и сохрани неповетны от всякаго зла, да славим неизреченное человеколюбие Бога нашего, Отца и Сына и Святаго Духа, и Твое отеческое заступление, во веки веков. Аминь. — 48 —
|